婚紗攝影 頌賢&蔓誼
全套服務不論接、送、住,只有一個字、贊x100! 我地本身就係唔想給人製造麻煩嘅人、就算係比錢買服務、都希望賣的開心、買的更開心,但由到埗台中Ume 司機接到後、我就開始覺得有點似大爺咁。 到埗 Ume 地下、接待人員溫文儒雅有禮、六月天台中太陽有D猛、就先準備好茶水,溝通過知道我地行程緊湊就立刻給我們試衫,上一樓就給滿層幾千尺過千百套婚紗嚇親,我相信不論任何新娘見到、都會突然選擇困難症發作,但專人一對一嘅員工非常親切又不厭其煩地給予我們指導及選擇、亦顧及新人嘅諗法及意見,就連我帶去影相的牛仔褲腰圍唔太啱都幫忙改埋、服務非常貼心。由開始試婚紗到試完只係花左兩小時多、仲要係即日即場改,下午三點幾去酒店到夜晚七點返到 Ume 就可以再試,咁好嘅服務去邊度搵呀? 其實到埗時見店內好多好有主見及構圖好靚嘅照片、新娘已經非常開心,同日與攝影師傾談時、我地只係比左小小意見、選擇左幾個好靚既地方、其餘嘅都交由攝影師自由發揮,原本自己講嘅時候都有D驚、但我現在可以肯定地告訴大家,攝影師,燈光師及化妝師嘅功力非常深厚、呢個選擇一定冇錯! 最重要嘅係、全套服務冇任何硬 sale 行為,額外再比錢既當然有、但都係一啲自己需要、有用及自己選擇要嘅 extra paid,但絕無任何隱形收費。 最贊係間酒店房,全套由 Ume 包辦、Double Queen size bed、張床九尺闊、想點轆都得,加六十尺浴室連 rain shower,冇得輸!酒店食方面,口味亦同香港接近,我本身比較腸胃敏感、容易肚痾,但三日兩夜行程內、都係食得訓得,水土不服一D都冇。 全套服務我倆非常滿意及感謝 Ume 團隊熱誠幫忙,特別鳴謝攝影團隊辛勤的照顧。 攝影日就唔多講、留返各位準新人們自己體驗一下吧。